.png)
هو إيه الفرق بين الـ Developer والـ Programmer ؟ 🤔
طب الـ Software Engineer ده بيعمل إيه يعني ؟! ومين الـ Coder ده كمان ؟!! 🙄
عشان في ناس كتير بيحصل عندها خلط ما بين الـ 4 وظايف دول وبيفتكروهم واحد؛ فـ إحنا بقى هنقولكوا كل مسمى في دول إيه مهام وظيفته وبيعمل إيه بالظبط 👨💻👇
1️⃣ مطور Developer 👇
المطورين بصفة عامة بينقسموا لنوعين (مطور تقنى - مطور ذاتي)..
المطور التقني هو الشخص اللي بيتواصل مع العميل مباشرة أو بيكون هو المشرف على مشروع معين والمسؤل عن نظام المشروع وهيئته وشكله النهائي، وشغله بيختلف تماماً عن مجال الـ IT ، لأن المطور لازم يكون متقن لكتابة الأكواد لكن شغله الأساسي هو الإشراف على مجموعة من المبرمجين والمكودين التانيين.
أما المطور الذاتي هو الشخص القادر على كتابة كود كامل ونظيف خالي من أي أخطاء محتملة، وبيكون قادر في نفس الوقت على تحويل الخوارزميات لأكواد.
والمطور الذاتي بينقسم لـ 3 أنواع هم ( Fron End Developer - Back End Developer - Full Stack Developer ).
ـــ
2️⃣ مبرمج Programmer 👇
وده الشخص القادر على حل الخوارزميات المعقدة أو صناعة خوارزميات جديدة..
والمبرمج هدفه الأساسي من البرمجة مش كتابة الأكواد، لكن هدفه في البرمجة هو إبتكار طرق جديدة لكتابة أكواد تشتغل بنفس منهج الكود القديم، مع تغيير في سرعة الآداء والأسطر البرمجية للكود، وده لأن المطور مش بيدي إهتمام لسرعة الكود أو حجمه مادام الكود شغال بشكل صحيح، وعلى العكس المبرمج لازم يدي الأهمية لسرعة الأكواد، وكمان لازم يلاقي حلول فعالة للمشاكل البرمجية أو المهمات (Tasks) لبعض الحالات البرمجية، وهو في الغالب مش بيكون مُجبر إنه يتعلم أكتر من لغة لكن لازم يكون على دراية كاملة وكافية للغة اللي بيتقنها.
أما هدفه العملي هو توفير كود برمجي شغال ومريح للمطور لإتمام عمله بشكل أفضل.
ـــ
3️⃣ مكود Coder 👇
وده بقى يا سيدي الطبقة الأخيرة لعالم المبرمجين و المطورين، المكود ده يعتبر Position جديد إلى حد ما، وهمه الوحيد إنه يكتب كود ويشغله ويقول إنه شغال زي الفل ومفيهوش ولا غلطة وإن شغله ميه ميه 😎
والـ Coder بيكون كل تركيزه في كتابة الكود وتشغيله، ومش بيهمه إذا كان الكود مختصر أو ذكي زي المبرمج، كمان مش بيهمه لو كان الكود نظيف وبيلبي احتياجات المشروع أو لأ زي المطور، وفي الغالب الكل بيبدأ مكود، لكن المكود مع الوقت والزمان والتمرس في مجال البرمجة بيختار إما إنه يكون مبرمج أو مطور.
ـــ
4️⃣ مهندس برمجيات Software Engineer 👇
مهندس البرمجيات في المفهوم العام هو الشخص الأعلى مرتبة بين الـ 3 وظايف اللي فوق، أو بمعنى أصح الأكتر خبرة بينهم، مهندس البرمجيات ممكن يكون مطور ومكود أو مبرمج في نفس الوقت، ومبدئياً هو مكود لأنه طبيعي مر بكتابة الأكواد، وبيكون مبرمج قادر على حل مشاكل برمجية معقدة وخلق أكواد أسرع وأفضل لحلها، وكمان بيجيد كتير من اللغات البرمجية وقادر على إنشاء مشروع وتسييره وإستخراج النتيجة النهائية كاملة.
ا.....................................ا
💻
ليست هناك تعليقات:
إرسال تعليق