.png)
السلام، اليوم بغيت نهضر معاكم على واحد الموضوع لي فيه بززاف ديال المواضيع هه ولا نقولو ضومينات حسن، وكل مرة غادي نحاول نتشارك معاكم شي ضومين لي انا كنعرف ومتأكد منو.
هااد الضومينات لي غادي يخليوك كتحقق صريفة ولا يمكن نقول واحد دخل قار اما في الواقع ولا في المواقع (آآهاه وكيدرتي ليها؟ ساهلة أ،ت غير عطي وقتك للتعلم ومن بعد كوون على يقين غادي تصول لفين بغيتي، وفاش كنقولك تعلم رااه كنقصد تعلم الحاجة مزيااان وعطيها وقتها حتى تولي كتقنها مزااين وتولي انت حسن من بزااف ديال الناس لي تاهما دخلين معاك لهااد الضومين راك ماشي بوحدك 😉، نعطيكم مثال صغير باش تزيدو تفهموني مياان، تخايل معايا واحد جاركم قاليك أسيدي انا راه غادي ندير محال ديال الماكلة بحال داكشي ماكدو، أنت خاصك تكون قافز وعايق وتقنعو باش يدير سيت أسيدي، كنظن البلان باين وفي الأول ومحدك يالله داخل لسوق حاول تبدا وتخدم مع بنادم بثمن قليل وللا فابور علاش لا؟ كنظن بلا منزيد نطول البلان كامل باين ومفهوم وأي سؤال مرحبا سولوني هنا: Be Fenane وأنا معاكم، مشينا؟
في هاد البوسط غادي نحاول نقصر عليك الطريق ونرسمها ليك باش توصل وتعلم ومتبقاش تالف وقرا تاال الأخير عندي ليك مفاجأة مزيانة
وقبل منسا أي حاجة حداها نقطة حمرة هيا الحاجة لي كنستعمل أنا شخصيا.
سوو أول حاجة فاش غادي 🈴تبدا تكتب الكوود لي تعلمتي؟
⛔️لمهم اي سؤال مرحبا في بريفي⛔️
هنا كينين بزااف ديال الأختيارات وكل واحد فاش كيرتاح ولكن غادي نبارطاجي معاكم مجموعة من هااد المحررات لي كنت كنستعمل وباقي شي وحدين منهم كنستعمل:
⚫️ الناس لي يالله بادين كنصحهم بBrackets Text Editor حيت ساهل وخفيف ومزيان في نفس الوقت
للتحميل: http://brackets.io/
🔴 هدا Codepen عبارة على سيت ويب ولي صراحة كنخدم بيه ملي كنبغي نعرف شي كوود شنو الدور ديالو ولا في حالة طبقتو شنو غادي يعطيني كنتيجة
الرابط: https://codepen.io/
🔴 معرفتش واش نقدر نستعمل كلمة هدا هو سيدهم هه ولالا مي بالنسبة ليا أحسن محرر أكواد عندي هو Visual Studio Code مكين منقول عليه من غير أنا واقع وطايح في حبه ههه
الرابط: https://code.visualstudio.com/
كنظن برااكة وندوزو الحاجة أخرى باش تصيب وتقاد سيت لازمك ثلاثة ديال لغات البرمجة (وخا وحدة منهم الأغلبية مكعتابروهاش لغة برمجة ههه دابا شوية تعرفو علاش)
تخيلو معايا الجسم ديال الإنسان تيتكون من هيكل عظمي ولي هيا HTML وزيدو عليها لحم ديالو ولا نقولو الحوايج لي فوق الهيكل العظمي هما CSS آخر حاجة هي الحركات لي تيدير الإنسان بحال الرقص والجري 😅😅🤪 JAVASCRIPT
زربت عليكم فهدا وقيلت ؟ أوكي غير صبرو هاني جايكم الهضرة
أول حاجة دويت عليها هيا الهيكل العظمي ولي كيف قلت ليكم هي HTML وهيا نفسها لي مكتعتابرش لغة برمجة حيث تقدر تعلمها في نهار ولا ثلاث أيام كحد أقصى حيت ساهلة وبزااف، الدور ديالها بإختصار هو كتحدد ليك كل حاجة وبلاصتها مثلا بلاصة ديال العنوان ولا شنو يكون مكتوب في العنوان نيت ولا النص شنو يكون مكتوب فيه وزيد وزيد كيف سبق وقلت بحال الهيكل العضمي كيقوليك اليد كينة فبلاصتها والرجل فبلاصتها كنتمنى الفكرة تكوون وصلات
سوو أجي نعطيكم شنو غادي تحتاجو فيها باش تعلموها
غادي نصحكم بيها كأكثر حاجة ولا شيئ يعني فيها جميع لي طاغ ولا من الأحسن نقول كوود باش منتلفكمش بكثرة الكلمات، غادي تلقاو فيها تقريبا كلشي وأي حاجة تبغيو تستعملوها
للتحميل: https://websitesetup.org/HTML5-cheat-sheet.pdf
ثاني حاجة هي الملابس ديال الإنسان ولا نقول CSS، هاادي الالة واسيدي كتعاونك تقاد مثلا نوع ديال الخط والحجم ديالو وحتى الألوان وشي لعيبات أخرين هه حتى تعلموهم بوحدكم
وغادي نصحكم بهااد السيت لي فيه حتى جميع الكودات لي غادي تحتاجو باش تعلمو هااد اللغة واللي غادي تاخد ليكم بين سيمانة تاال جووج
الرابط: https://tympanus.net/codrops/css_reference/
الى وصلتي تال هنا غادي نقوليكم أنت كاين وحاضر وغادي نقوليك أنه غير بمجرد تعلم تحط الهيكل العظمي وداكشي لي فوق منو أنت دابا قادر تقاد سيت لي بغيتي وكيف ما كان ولكن ماشي بشي مستوى لي واعر ومحترف لا خاصك تزيد تعلم كيفاش تزيد الحركات واللي غادي يخليوه يبان بشكل جد احترافي ومتقدم.
سو ندوزو الحركات وهنا ماغاديش نعطيكم شي موقع معين ولكن غادي نعطيكم المفاجأة لي هي عبارة على كوورس واالي القيمة ديالو 200 دولار وموفر ليك مجانا
بالنسبة للناس لي بغاو يتأكدو او الرابط اللي فيه الكورس من هنا:
https://www.udemy.com/the-web-developer-bootcamp/
قبل منكمل ليكم والناس لي دخلو الروابط لي بارطاجيت معاكم الفوق غادي يتأكد بلي مجرد مواقع فيها كل كود والشرح ديالو ولا شنو الدور ديالو علاش؟
حيت بغيتكم تعلمو من هااد الكورس وتمشيو معااه من طق طق تاال السلام عليكم وخطوة بخطوة وغادي تعلمو برمجة الموااقع ومزياان
الكورس مجانا هاهو في جوجل درايف: https://drive.google.com/drive/folders/1zMQZmGjdAeAaLroxdNTy2_BlYOSe2u7c
كنظن غادي نكوون ساليت اليوما وانشاء الله غادي نحط ليكم مواضيع أخرى على مجالات أخرى إنشاء الله واللي عندو شي سؤال يقولو ليا في البريفي ولا في الصفحة ديالي وعلاش لايجي عندي وندويو في انستغرام حيت كنكون تما بزااف
insta: bouqteta
ليست هناك تعليقات:
إرسال تعليق